المحرر موضوع: خطوات عمل موعد للتقديم لتأشيرة تركيا من مصر  (زيارة 5263 مرات)

0 الأعضاء و 1 ضيف يشاهدون هذا الموضوع.

Mahmoud 1992

  • Global Moderator
  • Hero Member
  • *****
  • مشاركة: 530
  • Karma: +0/-0
    • مشاهدة الملف الشخصي
خطوات عمل موعد للتقديم لتأشيرة تركيا من مصر
« في: تشرين الثاني 30, 2017, 10:28:54 مسائاً »
خطوات عمل موعد للتقديم لتأشيرة تركيا من مصر
النظام الجديد اللي عملوه من فترة , محتاج انك تاخد موعد للتقديم علي التاشيرة لتركيا , هنتعرف حالا علي الخطوات اللي تعملها عشان تاخد موعد و تجيب التأشيرة . .
الاول ننوه علي معلومة مهمة , ان الخطوات ديه عشان تجيب التاشيرة لو كان عمرك ما بين الـ20 و الـ 45 , يعني محتاج تأشيرة من السفارة , أما لو كان عمرك أقل من 20 أو أكبر من 45 , فمش هتحتاج تعمل تأشيرة من السفارة , لكن هتعمل تأشيرة الكترونية في 5 دقايق من غير سفارة ولا حاجة , وخطواتها في الصفحة ديه :
http://bit.ly/1GoCEKT
أما لو كان عمرك ما بين الـ20 و الـ 45 , فابدأ معايا بالخطوات ديه :
=========================================================
الاول لازم تحضر الورق ده معمول له سكان او تصوير موبايل نضيف عشا ن هتحتاج ترفعه
صورة شخصية
حجز طيران وهمي ( ممكن يتعمل من موقع www.travelstart.com.eg )
حجز فندق ( ممكن يتعمل من موقع www.booking.com )
تامين صحي فترة السفر ( بيتعمل من اي شركة تامين في وسط البلد )
كشف حساب بنكي ( بقيمة 20 الف مثلا , علي مدي كام شهر )
ورقة العمل ( زي اللي موجودة في البوست ده
https://www.facebook.com/groups/788052254541335/permalink/999473940065831/
ولو هتعمل تاشيرة زيارة , يبقي كمان معاك
صورة الدعوة
=========================================================
أولا ادخل علي الموقع الخاص بالتأشيرة لتركيا من هنا :
https://www.konsolosluk.gov.tr/Visa

هتشوف الصورة ديه
http://goo.gl/20x8u8
ومن فوق في النص تختار الدولة
Egypt
وبعدها تختار هتعمل من السفارة في القاهرة ولا القنصلية من اسكندرية
بعدها تكتب البيانات اللي عندك ديه , وهي بالترتيب :
الجنسية
نوع الباسبور
رقم الباسبور
نوع الفيزا ( وفيها تختار ما بين سياحية او طالب او زيارة )
غرض السفر ( زي اللي فوق )
عايز كام مرة ( تختار سينجل لو اول مرة تسافر , لو رحت قبل كدة تختار متعددة لو عايز , بس اغلي )
بعدها تختار المكان اللي هتقدم فيه وهي :
الدولة : مصر
البعثة : القاهرة او اسكندرية
بعدها تعمل علامة صح , وتدوس علي الزرار
لغاية لما تكون بياناتك زي كدة
http://goo.gl/qG77xe
========================================================
هتطلعلك الشاشة ديه
http://goo.gl/2Clk3B
اللي بيقولك لو سنك اقل من 20 او اكبر من 45 تدوس علي الزرار الاحمر عشان تعمل فيزا الكتروني , غير كدة دوس علي الاخضر
=========================================
ساعتها هيجيبلك الشاشة ديه
http://goo.gl/p9ZQyD
و اللي بيقولك فيها 4 حاجات مهمة :
- لو معاك خطاب دعوة هاته معاك و انت جاي المقابلة
- جميع البيانات اللي بتدخلها بيتم الاطلاع عليها من الحكومة التركية
- اتعهد بمغادرة الاراضي التركية قبل انتهاء الفيزا
- الرسوم المدفوعة لن يتم استردادها
ولو نزلت تحت شوية هتلاقي الشاشة ديه
واللي بيقولك فيها ان يجب عليك تحضير الحاجات ديه عشان تعرف تكمل الاستمارة وهي :
- صورة فوتوغرافية ليك
- ورق يثبت الحالة المادية ليك ( مفردات مرتبك مثلا)
- حجز طيران
- حجز فندق
- اي اوراق اخري تثبت حالتك المادية ( تتملك عقار , ورقة من الشغل عندك , حساب بنكي )
و المطلوب الحاجات ديه كلها تكون موجودة علي الكومبيوتر , يعني تعملها سكان عشان هتعملها ابلود حالا علي الموقع
اعمل علامة صح علي الجملة اللي تحت ودوس نيكست
================================================
هنا هتطلع شاشة يسالك علي كام حاجة وهي
http://goo.gl/K89bGO
والبيانات كالتالي :
1 – الاسم الاول
2 – الاسم الاخير ( اللقب )
3 – لو فيه اسم لقب مختلف ( سيبك منها )
4 – رقم البطاقة
5 – ذكر او مؤنث
6 – المدينة اللي اتولدت فيها
7 – البلد اللي اتولدت فيها
8 – الحالة الاجتماعية
9 – تاريخ الميلاد
10 – اسم الاب
11 – اسم الام
12 – الجنسية
13 – الوظيفة
14 – الايميل
خد بالك لازم الايميل يكون حقيقي و شغال , لانهم هيبعتولك عليه كود تدخله عشان تكمل
بعدها تدخل الحروف اللي بتظهر تحت
وده نموذج للبيانات
http://goo.gl/psPOyy
و تدوس نيكست
================================================
هنا هتطلعك الشاشة ديه
http://goo.gl/DN6gfS
واللي ساعتها هتجيلك رسالة علي الايميل اللي انت سجلته في الشاشة اللي فاتت , تدخل الكود هنا و تدوس نيكست
================================================
في الشاشة ديه
http://goo.gl/oALnpQ
هتلاقي شاشة لادخال بيانات خاصة بمحل اقامتك الحالي , وهي بالترتيب :
1 – عنوانك
2 – المحافظة
3 – الرقم البريدي
4 – الدولة
5 – تليفونك الارضي
6 – موبايل
7 – الايميل الخاص بيك
انزل كمان شوية هتلاقي انه محتاج تفاصيل عن الوظيفة الخاصة بيك
http://goo.gl/8bOin5
4 – اسم الشركة اللي شغال فيها
5 – عنوانها
6 – المحافظة
7 – الرقم البريدي
8 - الدولة
9 – تليفونها
10 – ايميل الشركة
دوس نيكست يا بوب
================================================
هتلاقي هنا الشاشة الخاصة ببيانات باسبورك
http://goo.gl/1G0VlK
1 - نوع الباسبور : اختار اورديناري
2 – رقم الباسبور
3 – تاريخ اصداره
بعدها اختار "نو" في السؤال اللي بعده
4 – تاريخ انتهاء الباسبور
5 – هنا السؤال عن جهة اصداره , اكتب زي ما مكتوب في الصورة
6 – اختار الدولة : مصر
دوس علي كلمة Travel History
================================================
هتلاقي الصورة ديه
http://goo.gl/cxDg2X
السؤال ده بيسأل لو انت في دولة غير بلدك الاصلية هل معاك اقامة عشان ترجع , فلو انت في مصر اصلا اختار الاختيار التالت زي اللي في الصورة , ولو انت في بلد تانية و معاك اقامة اختار ايوة
السؤال اللي بعده بيسال لو انت رايح علي بلد تانية بعد تركيا , هل معاك فيزا للدولة التانية ديه , فاختار برضه الاجابة التالتة زي اللي في الصورة
السؤال اللي بعده بيسأل هل قدمت علي فيزا تركيا قبل كدة , لو اول مرة اختار نو , لو قدمت قبل كدة اختار يس
باقي الاسئلة كلها حولين هل تم رفضك قبل كدة او تم ترحيلك او ادانتك بجريمة و هكذا , اختار فيهم كلهم نو
اللي هي هنا
http://goo.gl/S2QyWH
================================================
انزل كمان شوية هتلاقي تفاصيل عن السفر
http://goo.gl/R5KeeW
السؤال رقم 1 بيسال هتسافر بانهي وسيلة , اختار اير
2 – بيسال علي مدة الاقامة , اكتب 30 يوم
3 – هتنزل في انهي مطار , اكتب اتاتورك
4 – تاريخ الوصول المتوقع , اكتب تاريخ معقول بعد شهر مثلا من المقابلة
5 – تاريخ المغادرة , اختار معاد بعد اقل من شهر من تاريخ الوصول
6 – هتقيم فين , افتح اكتب اسم الفندق اللي انت عامل عليه حجز حقيقي او وهمي و اكتب عنوانه
7 – انهي مدينة الفندق ده
8 – الرقم البريدي للفندق
9 – تليفون الفندق
10 - بيسال علي التامين الصحي الخاص بالسفر اختار يس
11 – اكتب تاريخ انتهاء التامين الصحي
12 – بيسال مين هيصرف عليك و انت هناك , اكتب ماي سيلف
دوس نيكست و ادخل علي اللي بعده
================================================
هنا هتعمل ابلود للملفات المطلوبة منك و هي :
http://goo.gl/ck9MYZ
1 – صورة شخصية 4 في 6 معمولة سكان
2 – ورق يثبت انت شغال فين و بمرتب كام
3 – حجز الطيران
4 – حجز الفندق او الدعوة
5 – اي ورق تاني مساعد زي الحساب البنكي
وهنا راعي تكون كل الملفات بصيغة (جي بي جي ) او ( بي دي اف ) , وحجم كل ملف ميزيدش عن 2 ميجا
هتدوس علي المربع الابيض جنب كل واحدة فيهم و اعمل ابلود للملف هيكون زي الصورة ديه
http://goo.gl/CGQl3q
================================================
لما تدوس نيكست هيجيبلك ملخص لكل التفاصيل اللي انت دخلتها , عشان تراجع عليها سريعا زي هنا
http://goo.gl/ph4l8E
و انزل تحت ودوس علي علامة الديسك عشا تحمل ملف البي دي اف الخاص بالمقابلة
http://goo.gl/JsEkHV
واللي هيكون شكله كدة
http://goo.gl/LIJYuy
ارجع تاني للصفحة , ودوس علي الزرار الاحمر عشان تحدد الموعد
http://goo.gl/XusT5J
هيجيبلك جدول بالمواعيد المتاحة زي ده :
http://goo.gl/nh0zxz
اختار الموعد هيقولك الموعد بتاعك يوم كذا الساعة كذا
http://goo.gl/tSxs3B
وفي النهاية الشاشة هتعمل تاكيد للموعد
http://goo.gl/BqOD1k
اطبع الملف البي دي اف , وجهز كل اصول ورقك وتوكل علي الله , وربنا يوفقك
================================================
وهنا نركز علي كذا ملحوظة :
- الرسوم بيتم دفعها في السفارة سواء تم قبولك او رفضك
- الحساب البنكي المفروض يكون علي 6 شهور فاتو , بس مش مشكلة كبيرة لو اقل من كدة بشوية , بس من الاسبوع اللي فات
- ورقة العمل و حجز الطيران و الفندق , سهل يتعملو ببساطة
- تاشيرة الزيارة محتاجة تقريبا نفس الورق , بس ممكن يتغاضو عن ورقة الشغل و الحساب البنكي
وربنا يوفقكو ان شاء الله