المحرر موضوع: #هام_جداً_عن_السكن_في_تركيا *موضوع مهم جداً  (زيارة 671 مرات)

0 الأعضاء و 1 ضيف يشاهدون هذا الموضوع.

Mahmoud 1992

  • Global Moderator
  • Hero Member
  • *****
  • مشاركة: 530
  • Karma: +0/-0
    • مشاهدة الملف الشخصي
#هام_جداً_عن_السكن_في_تركيا *موضوع مهم جداً
« في: تشرين الثاني 30, 2017, 11:43:14 مسائاً »

السلام عليكم ورحمة الله وبركاته :)
#هام_جداً_عن_السكن_في_تركيا
*موضوع مهم جداً عن السكن لكل المصريين او إخوانا العرب في تركيا :_
بالنسبة للشباب اللي بيسأل عن السكن وأسعاره في تركيا
السكن في تركيا بيتراوح من 10 ليرة تركي في الليلة : ممكن أن تصل إلي 1000 ليرة تركي في الليلة الواحدة لو في فندق* + 5star plus * وطبعاً بتتراوح القيمة علي حسب درجة الفندق وموقعه والخدمات المقدمه بداخله وهناك نظام الشقق الفندقية * apartments hotels* ودي بتكون تابعة لأي إدارة فندقية مثل * Accor & Movenpick * ودي بتكون من خلال شركات إدارية بيتم من خلالها الإدارة والحجز بيكون من خلالها وبتكتب عقد معهم وأيضا بيتكون الحساب ممكن ان يكون بالليلة الواحدة او أسبوع او شهر علي حسب المدة التي تناسبك وغالبا أيضا بتكون غالية زي الفنادق بتبقي طبقاً للدرجة والخدمات المقدمة بها والموقع وهناك الشقق المفروشة او الخانات او الاستوديوهات المفروشة ودي هي بمتلكها أشخاص عاديين وبيكون هناك سماسرة ليهم في كل مكان علي سبيل المثال عند محطة مترو أكسراي هتلاقي منهم هناك كتير بييجي لحد عندك يقولك عندي شقة مفروشة بتكون الليلة تبدأ من 40 دولار او 50 دولار وفما أعلي وعلي حسب طبعاً إمكانايات الشقة وفرشها والانترنت وباقي الخدمات المتواجدة بها في بعض الناس اللي في مكاتب ممكن يكتب معاك عقد وفي بعض الناس مبيكتبش عقود ودي بتكون من غير تأمين وفي بعض الناس بتتطلب تأمين علي حسب الإتفاق بينكم مسبقاً،
- نيجي بقي للي بيتماشي مع مستوانا ومعظم الشباب أو العائلات والافراد اللي رايح مثلا يبحث عن عمل او دراسة إلخ
توجد هناك مايسمي * البانسيونات Pension * ودي بتكون عبارة عن مبني به عدة طوابق وبكل طابق به عدة غرف وكل غرفة بها عدة أسرة ( سرير يعني ) كل شخص بيكون ليه سرير في الغرفة هناك بعض البانسيونات بتكون لها نظام يعنيالغرفة بتكون اما فردية او زوجية او ثلاثية وهناك بعض البانسيونات بتكون الغرف بها ( الأسرة يوجد بها أكثر من 6 سراير او 10 سراير ) وهذه البانسيونات بتكون حجز الفرد فيها في الليلة الواحدة بدأً من 10 ليرة في الليلة قد تصل إلي 50 ليرة او 60 ليرة علي حسب ما الذي تريده سواء أكانت غرفة فردية أو زوجية أو ثلاثية وعلي حسب الخدمات المقدمة أيضا بداخل البانسيون ونظافته وعلي حسب عدد الأسرة وهذه البانسيونات موجود منها كثير جداً في فاتح وأكسراي وبلدية إسطنبول وإيمينونو وتكسيم إلخ وبيكون الحجز مسبقأ بليلة واحدة فقط وهناك بيكون ممكن تتفق مع صاحب البانسيون علي ان يتم دفع المبيت سواء أكان يومي أو إسبوعي أو شهري يعني ممكن في الاسبوع 70 ليرة او 60 ليرة وممكن يكون في الشهر 250 ليرة او 300 ليرة او 350 ليرة وزي ماقولت القيمة بتكون علي حسب الخدمات المقدمة بداخل البانسيون ونظافته وطبعا بيكون الفرق كبير جداً مابينه ومابين الفنادق بس * بيقضي الغرض * وأهم شيء تخلي بالك من حاجتك عشان * انت قاعد في إتوبيس ياريس =D متعرفش مين الي داخل من اللي خارج لكن بتكون هنك بعض البانسيونات بتكون ليها نظام محترم ونادراً ماتحدث به السرقات علي العموم موضوع السرقة ده كل واحد يخلي باله من حاجته ومن فلوسه وجوازه اهم حاجه عشان في ناس كتير جداً إتسرقت وحتي في الفنادق ساعات بتحصل حوادث سرقات لان البانسيون عشان بيكون شعبي فبيكون لامم من جميع الجنسيات ،
_ في نوع تاني اسمه * هوستيل Hostel * وبيكون الهوستيل في الخدمات المقدمة بداخله ونظافته أحسن من البانسيون هو يعتبر شبيه للبانسيون في كل شيء عدا جودته في الخدمات المقدمه بداخله ونظافته ولكن هنا بتبدأ الليلة من 25$ او 30 $ فما أعلي وده علي حسب الجودة الخاصة به .
_ آخر شيء وهي الشقق او الغرف التي يتم إستئجارها وده بيكون أفضل لمجموعة شباب مع بعضهم او فردين او حتي فرد واحد يريد الاستقلال بنفسه او لعائلة بعيداً عن الفنادق والبانسيونات وذلك لإشياء وعوامل كثيرة منها الراحة النفسية والإطمئنان إلخ ودي بتكون إما مفروشة كما تحدثت سابقاُ او فاضية وحضرتك بتفرشها وفي مكاتب* السماسرة * بيكون عندهم شقق كتير وعارفين كل الاماكن او وانت ماشي في اي مكان بتلاقي إعلانات مكتوب فيها * Kiralık Daireler * او بالفارسي * خانة مبلة إيجاره * او * Apartments for Rent * وده طبعاً بيكون مكتوب باللغة الانجليزية نادراً أو لو غرفة للإيجار بنلاقي إعلان مكتوب عليه * * Kiralık Oda Ver * وهنا بيكون الاتفاق إما مع صاحب الإعلان مباشرةً أو من خلال السمسار وطبعا علي حسب موقعها وهل فيها غاز ولا لأ وهكذا ممكن تلاقي شقة في بيت او في عمارة او برج بدأً من 300 ليرة أو 400 ليرة أو 500 ليرة في الشهر وبتدفع عليها تأمين وقوموسيون إن كانت من خلال سمسار وبيكون التأمين والقوموسيون غالباً شهرتأمين أو شهرين وشهر قومسيون مثل رسوم الإيجار.
#مثال
توجد شقة للإيجار مكونة من غرفة وصالة فاضية ب 300 ليرة
#إذن يتم دفع مبلغ 300 ليرة قومسيون لمكتب العقارات او السمسار وإن لم يتواجد سمسار سواء من خلال المالك مباشرةً يتم إلغاء القومسيون
ودفع شهرين تأمين يعني 600 ليرة
#إذن 600 تأمين + 300 قومسيون = 900 ليرة تركي
وهناك توجد شقق أيضا بيكون شخص بيأجرها علي أساس انه يتم تسكين هذه الشقة * كمشروع شخصي ليه يعني * فبيعرض إعلان سواء علي الفيس بوك وإخوانا السوريين عاملين جروبات كتيرة زي الجروب ده بيتم نشر البوستات فيه عن وجود سكن للشباب الفرد ممكن يبتدي من 100 ليرة او 200 ليرة او 300 ليرة وبيكون من غير مقدم اي شهر او اي شيء وممكن تدفع يومي او اسبوعي علي حسب الاتفاق وطبعاً زي ماقولنا بيدفع علي حسب الخدمات الموجودة في الشقة من انترنت ومياه وغاز وكهرباء وأيضا علي حسب هل غرفة فردية او زوجية او ثلاثية فما فوق =D .
وهناك بعض أصحاب الشقق بيطلبوا تغيير عدادات الميه والغاز والنور بإسمك منعاً لمنع المشاكل عشان كانت في ناس مبتدفعش وفي اللي مش بينقل العدادات دي بتبقي علي حسب رغبة صاحب المنزل وان صاحب البيت صمم انك تنقل العداد بإسمك لازم يكون معاك اقامة وفي بعض الناس مش بتطلب وممكن بورقة الرانديفو تتقبل وفي حالة عدم قبول ورقة الرانديفو لنقل العدادات بإسمك ولان كل شيء في تركيا بيتم التحايل عليه هناك مكاتب السماسرة والعقارات بيشوفولك واحد تركي بياخد مبلغ وبينقل العدادات على إسمه لغاية لما بتعمل الإقامة كله بالحب =D بس أهم شيء تخلي بالك من المكاتب عشان معظمهم نصابين والسماسرة .
وده من أشهر المواقع في تركيا لبيع وشراء وإيجار العقارات والشقق والبيوت في تركيا مفروش وغير مفروش والأراضي والسيارات وكل شيء موقع ممتاز جداً وفي جميع المناطق في تركيا وبدون سمسرة منك للمالك مباشرةً والملك لله وحده :)
http://www.sahibinden.com
*آخر كلامي أرجوا أن لا تنسونا من صالح الدعاء :)
وبالتوفيق لنا ولجميع المسلمين تحياتي للجميع