المحرر موضوع: ثلاث مصطلحات مهمة عن الدراسة في تركيا.  (زيارة 1206 مرات)

0 الأعضاء و 1 ضيف يشاهدون هذا الموضوع.

Aya sayed

  • Global Moderator
  • Hero Member
  • *****
  • مشاركة: 923
  • Karma: +0/-0
    • مشاهدة الملف الشخصي
ثلاث مصطلحات مهمة عن الدراسة في تركيا.
« في: أيلول 06, 2017, 06:28:19 مسائاً »
سات و يوس و تومر . . .

تلات مصطلحات بتخوف اي حد بيسال عن الدراسة في تركيا . . .

هنتكلم سريعا عن التلاتة دول ، و نعرف ايه الفرق بينهم . . .

=====================================

التومر

هي شهادة اللغة التركي ، شبيهة بالايلتس في الانجليزي ، و التيف في الفرنسي ، بس الفرق ان الايلتس هو مجرد اختبار ، يعني انت ذاكر باي طريقة انت عايزها ، روح امتحن في المركز الثقافي البريطاني . .

التومر مش كدة . .

التومر لازم تحضر بنفسك المحاضرات ، و فيه نسب للغياب ، لو عديتها مش هتعدي المستوي ، وهكذا . .

التومر ٥ مستويات هي :
A1
A2
B1
B2
C1

كل مستوي بيقعد تقريبا 5 او 6 اسابيع ، الدراسة بتكون 5 ايام في الاسبوع ، حوالي 4 ساعات في اليوم . . .

بعد كل مستوي بتمتحن امتحانين ، شفوي و تحريري ، و لو نجحت في المستوي ، بتدخل المستوي اللي بعده . . .

اغلب الجامعات بتبدا التومر في اول اكتوبر ، يعني انت لو مشيت في المستويات واحد ورا التاني بشكل طبيعي هتخلص تقريبا علي شهر 5 . .

اغل بالجامعات اللي بيدرس التومر فيها اتراك ، و بيتعمدو يجيبو اتراك مش بيتكلمو عربي ولا انجليزي ، يعني مش هتسمع الا تركي في الكلاس . . .

رسوم التومر بتتراوح من 600 ل 1500 ليرة في المستوي الواحد ، حسب مستوي الجامعة . . .

و التومر غالبا بيتطلب لما تيجي تقدم علي جامعة حكومية . . .

=====================================

اليوس . .

اليوس اختبار تركي ، مطلوب لاغلب الجامعات الحكومية ، و كل ما تجيب مجموع اكبر فيه ، كل ما فرصك تزيد انك تدخل جامعة افضل ، و حتي لو هتدخل جامعة خاصة بالفلوس  ، فممكن تاخد خصم كويس لو انت جايب مجموع عالي في اليوس . .

اليوس اختبار رياضة مش اكتر ، فاللي مش بيحب الرياضة يسيبه من البوست ده خالص :D

مكون من 3 اقسام : الجبر ، الهندسة ، اسئلة الذكاء . .

الاختبار مش بيطلب منك تكون بتتكلم تركي او انجليزي ، لانه اصلا كله اختيارات مفيهوش كلام ، كله اختيارات  ، و حتي الاسئلة القليلة اللي بيكون فيها كلام بتيجي بالتركي و الانجليزي و احيانا بالعربي . . .

انت مش مطالب انك تحضر محاضرات زي التومر ، لا انت احجز الموعد وروح امتحن علي طول لو انت مذاكر كويس . . .

طب اذاكر ازاي ؟ ؟

اولا افضل لو انت اصلا كويس في الرياضة و بتحبها فانت ممكن تذاكر لوحدك مش محتاج حد يساعدك

اولا انت اعمل تحميل لكتب اليوس من هنا :

https://www.dropbox.com/s/akbtzahim5w1vn5/Y%C3%96S%20BOOKS.rar?dl=0

هتلاقي هنا 7 كتب و هي كالتالي :

3 كتب اختبار ذكاء
كتابين جبر
كتاب هندسة
كتاب اختبارات

 حملهم و افتحهم و حاول تحل المسائل لوحدك و ممكن تلاقيها سهلة

ولو انت مش بتحب تقرا من اللاب ، روح اي مكتبة في اسطتبول هتلاقي الكتب ديه كلها ، الكتاب في حدود 60 او 70 ليرة

كمان ممكن تشوف الفيديوهات ديه :

https://www.youtube.com/playlist?list=PL7MNhbaGofSqAUvIYhvUNLX9fW4ixALZp

https://www.youtube.com/playlist?list=PL7MNhbaGofSrACQd080Tgydt41Prd1o7Z

https://www.youtube.com/playlist?list=PL7MNhbaGofSrGJZJK0HyfY8ZZLhHCpcsD

https://www.youtube.com/watch?v=mEnby19KlEc&list=PL7MNhbaGofSqLlvCPLRKBefS3toL4DFmT

https://www.youtube.com/channel/UCoF3uDOPKVWhlkjZmfHAzxg

دول عدد من المدرسين السوريين ، عاملين دروس مجانية لليوس علي اليوتيوب ، عدد كبير منها ، شوفها كلها و يكون معاك الكتاب في ايدك ، هتلاقي الدنيا سهلة ان شاء الله

كمان هنا في جروبين علي الواتس ممكن تشترك فيهم هتلاقي طلبة كتير هيفيدوك

https://chat.whatsapp.com/EP8CbhZaYGyL8qkimcBCAl

https://chat.whatsapp.com/7xzYGKYOxRF3C0IrnBO4ku

كمان ديه جروبات مفيدة علي الفيس

https://www.facebook.com/groups/YOS.IQ1/

https://www.facebook.com/groups/529947627145124/

لو انت بقي بعد ده كله لقيت نفسك تايه و مش فاهم ، تواصل معايا و ارتبلك دروس في اليوس . .

خد بالك ان كل اختبارات اليوس بتكون في اشهر 3 و 4 و 5 و 6  ، عشان الاستعداد للسنة الجاية . فانت لازم تذاكر من شهر 12 مثلا

كمان فيه اختبارات يوس مش اختبار واحد ، كتير من الجامعات ليها اختبارات يوس خاصة بيها هي ، فانت قبل ما تمتحن اليوس في جامعة معينة ، اتاكد الاول الجامعة اللي انت عايزها هل هتقبل بنتيجة يوس الجامعة اللي هتمتحن فيها ولا لا

و بعض الطلبة بيمتحنو اكتر من اختبار يوس عشان يضمن اكتر من جامعة . .
=====================================

السات

السات اختبار امريكي اصلا ، معمول عشان تقييم الدخول للجامعات ، و حاليا بعض الجامعات التركية بتعترف بيه و بتطلبه . .

السات الفرق بينه و بين اليوس ان السات مكون من جزءين انجليزي و رياضة ، والرياضة اللي في السات اسهل شوية من الرياضة اللي في اليوس ، بس المشكلة انها محتاجة انجليزي كويس . .

فلما طالب يكون محتار امتحن سات ولا يوس ، اول حاجة يسال فيها نفسه ، يا تري الجامعة اللي هو عايزها عايزة انهي فيهم . .

لو الجامعة مش هيفرق معاها سات او يوس ، ساعتها الطالب يشوف هو كويس في الانجليزي ولا لا

لو كويس في الانجليزي يخليه في السات لان الرياضة فيه اسهل

لو ضايع في الانجليزي يخليه في اليوس ، لان تعلم الانجليزي هيكون مرهق معاه

فيه حوالي 7 اختبارات سات في السنة ، و بيتم حجزهم عن طريق موقع College Board

و بتختار هتمتحن في اسطنبول ولا انقرة ولا ازمير

و ممكن تشتري كتاب السات من امازون من هنا

https://www.amazon.com/Official-SAT-Study-Guide-2018/dp/1457309289/ref=sr_1_1?ie=UTF8&qid=1504509644&sr=8-1&keywords=sat

او تحمل نسخ تانية من الكتاب من هنا

http://www.collegeboard.com/prod_downloads/prof/counselors/tests/sat/sat-prep-book-stu.pdf

او هنا

https://collegereadiness.collegeboard.org/pdf/sat-student-guide.pdf

او تنزل امتحانات من هنا

http://www.cracksat.net/index.html

او من هنا

https://www.khanacademy.org/test-prep/sat/full-length-sat-1

و ممكن تشوف محاضرات ليه علي اليوتيوب من هنا

https://www.youtube.com/results?search_query=sat+lessons