عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - Mahmoud 1992

صفحات: 1 ... 34 35 [36]
526
طيب وبعد ما تتعلم تركي يا معلم وعاوز تسافر  وعاوز تعرف الوضع هناك ايه والتأشيره هتطلع ازاي ؟
لو انت اتعلمت تركي صدقني يبقى بإذن الله اول ما تسافر هتلاقي شغل كويس
المفروض في القانون التركي إن راتب المصري اللى شغال بعقد رسمي ميقلش عن ألفين ليرة تركية،
والدولار بـ2.5 ليرة تركية
بس طبعًا بسبب كترة السوريين محدش بيشغل مصري بعقد، وبالتالي مش بيلتزموا بالحد الأدنى لرواتب
المصريين في تركيا.
ازاى اخد التأشيرة؟
لو انت مصري وسنك أقل من 20 سنة أو أكبر من 45 سنة تقدر ببساطة تدخل الويب سايت دا:
https://goo.gl/mem3K1
وتقدر تاخد الفيزا ليك بـ20$ ، بتقدم ابلكيشن عادي وبتحط بياناتك وبيوصلك على إيميلك رسالة التأشيرة
بتطبعها وتاخدها معاك وهي دي التأشيرة.
لو انت اكبر من 20 سنة واقل من 45 سنة يبقى لازم تاخد تأشيرة من السفارة او القنصلية وهقولكم
الطريقة المضمونة عشان تاخدوا التأشيرة
1- بيان رصيد من حساب بنكي فيه 20 ألف جنيه
وهنا نلاحظ إن بيان الرصيد دا يعنى ممكن تحط الفلوس في الحساب وتطلع بيان الرصيد وتسحبها في نفس اللحظة يعنى مش لازم كشف حساب بنكي 6 شهور.
2- تعمل حجز فندقي من على موقع booking.com
وانت ممكن تعمل الحجز ببلاش، فيه فنادق بتوفر إمكانية إنك تحجز ببلاش وبعدها تبقى تكنسل الحجز.لما بتحجز بيوصلك إيميل بالحجز تطبعه.
3- بيان قيد من الجامعة لو انت طالب في جامعة عشان تبينلهم انك راجع مصر تاني.
ونصيحة البس شيك وبين إنك غني عشان دي نقطة مهمة، وتكلفة التأشيرة بتكون 405 جنيه بالظبط.
طبعًا لما بتاخد التأشيرة بتاخدها 6 شهور، ودي تأشيرة بتسمحلك بالبقاء في تركيا لمدة شهر واحد بس لازم تبدأ خلالها في إجراءات الإقامة.

527

فكرت خلاص انك هتاخد قرار وتسافر لتركيا عشان تشوف مستقبلك ؟
ايه هيا الخطوات الي مفروض تعملها ؟
#اللغه
مبدءيًا تركيا حاليًا عاملة تسهيلات للمصريين اكتر من الأول بكتير، بالرغم من إن تركيا من 5 سنين كانت فرص العمل فيها احسن من دلوقتي بكتير ودا بسبب الحرب في سوريا، تركيا لسه مستقبلة إمبارح بس 3 آلاف لاجئ سوري، دا غير العراقيين.
بس الحاجة الكويسة إن تركيا برغم كل دا بتطوّر بسرعة الصاروخ، يعنى في اليوم الواحد بيتم إنشاء 65 شركة في اسطنبول لوحدها !
وخلال سنة او اتنين اعتقد تركيا هتبقى في الإتحاد الاوروبي ومستوى المعيشة فيها هيبقى اعلى من دول وروبية كتيرة بس دا لو الحرب السورية انتهت ورجع عدد من السوريين لسوريا لأنهم للأسف سبب كبير في إن الأجور معادتش زي الأول في تركيا.
بس الخبر الكويس إنك لو بتتكلم تركي مستحيل تقعد اسبوع من غير ما تلاقي شغل كويس.انا كنت زي ناس كتيرة سافرت تركيا ومفكر إنها بلد سياحية بيجيلها سواح من كل مكان في العالم فبالتأكيد اهلها بيتكلموا إنجليزي، بس للأسف اتصدمت إن حتى في مطار اتاتورك اللى هو اكبر مطار في اوروبا مفيش غير موظفين اتنين بس اللى بيتكلموا إنجليزي ! في تركيا الإنجليزي ملوش اي ستين لازمة.
بلد منغلقة على لغتها، بس الحلو إن اللغة العربية هي اللغة التانية فيها.
يعنى أي منتج في تركيا هتلاقي مكتوب عليه بالتركي بس أو بالتركي + العربي، إنما إنجليزي متلاقيش منه خالص.
فمبدأيًا اي حد بيفكر يسافر تركيا عمل او دراسة لازم تدرس تركي الأول وتكون كويس فيه جدًا، إلا لو انت شغال اون لاين فانت مش هتحتاج تركي.
اللغة التركية لغة رخمة بس سهلة على العرب، ورخمة لإنها بتعتمد على اللواحق، وممكن حرف يغيرلك المعنى بيمشي على نفس القاعدة مفيش حفظ كتير.
ومن دا كتيير جدًا، كلمات كتيرة جدًا شبه العربي وخصوصًا المصري، لأن اللهجة المصرية العامية واخدين كتير اوي من الأتراك.
طيب ازاى اتعلم تركي؟
عندك اكتر من وسيلة اولها النت ودا اللى انا بفضله، فيه دورة مكونة من 3 مستويات + مستوى تدريبي
ودي اللينكات بتاعتها بالترتيب:
المستوى الأول: https://goo.gl/lmhrDJ
المستوى الثاني: https://goo.gl/xudHw2
المستوى الثالث: https://goo.gl/t6bMD4
اللغة التركية قراءةً واستيعاب: https://goo.gl/JltH0n

528
#منقول
هل تركيا افضل للسياحه والدراسه ام للعمل ؟
وجدنا لك اجابه هذا السؤال من تجابر اشخاص لديهم خبره كبيره في مجال العمل والهجره في تركيا .

مهم..تركيا بلد قوية اقتصادية جدا..ومازال المستقبل امامها كثيرا..ولكن مرتباتها ليست عالية نسبيا..يكاد تعيش عيشة نضيفة دون تحويش..وتعيش وسط اعلى نسب معدلات ساعات عمل بالعالم وسط ماكينات تركية بشرية رهيبة..١٢ساعة عمل..لذا فهي ليست الخليج او اوروبا في فرص العمل او مرتباتها..ابدا ابدا..ويالتالي يحتاج الشخص كشاب متوسط الامكانيات (مع اللغة) لجهد كبير ومثابرة لايجاد فرص العمل..ثم العمل الشاق الذي بالكاد يكفي التزاماته واحنياحاته مع الحياة المرتفعة نسبيا..لذاا انتبه جداا لهذا...
أما ان كان مستواك المادي عالي او معك ما يكفيك لتعيش بأمان وهدوء..فهي بها فرص جيدة جدا للاستثمار والسكن الجميل والمناظر الجميلة والطبيعة والراحة والجو النظيف والتعليم والسياحة والاستمتاع بالوقت والحياة..لذا ضع هذا جيدا امام عينيك واعلم اي الفئات انت ؟!!..ولا تقارن احوال المصريين وظروفهم او الناس بشكل عام من حولك ببعضهم البعض...هذا البوست للشباب التي تبحث عن فرصة عمل وتظن ان الارض وردية ممهدة مفروشة بسبب قصص وحكاوي الاخرين و جمال البلاد.
اما ان كنت تبحث عن التعليم او السياحة اوالتجارة او الراحة..فهي مناسبة جدا لك بل ومثالية..
اضافة مهمة :
علاقة الاتراك بالمصريين
اما بمناسبة حب الاتراك لمصر ، فهو حب قديم ، حب واحترام لتاريخ مصر القديم وعلاقة ايضا مصر بالدولة العثمانية قديماً...
ايضا قد يكون هناك تعاطف بسيط مع الوضع في مصر ، لكن كثيرون لا يفهمون او لا يهتمون بالسياسة هنا ، ولا يتحدثون بها ، وقد تجد اخرون عكس التيار عادي ويرون انه العرب عبء وان العلاقات الاوروبية اهم وافضل...
لكن بشكل عام ، هي ليست عنصرية ، هم في حالهم وانت في حالك ، والاماكن اللي فيها تجمعات عربية كثيرة ومتعددة
الشعب التركي في حاله ، مدني علماني يقبل بالتنوع ، ويقبل بالتعددية....وتشعر انهومحب للدين..ولكن الدين وكأنه جديد عنده..وايضاً لا تستفزه وتشتبك معه... فهو يعتز جدا بهويته...
ايضا...للاسف وهذا واقع مستقبلي...الاتراك يحبون ويحترمون الاجانب اللي جايين يصرفوا ، ويفتحوا مشاريع ، وينفعوهم بالسياحة ، ويدفعوا بيزنس...
واكيد تعاملهم مع المصريين من واقع انت غني ومبسوط وجاي تصرف في بلده كسايح...وبالتالي اول ما بيعرف انك جاي تشتغل في مهن بتاعته..الوش بيتغير ... وتلاقي لسان حاله بيقولك : هو احنا ناقصينك يا جدع !! ههههههه ، والاحترام او الحب يقل للاسف وخاصة من اصحاب المهن اللي في المجال ، او اللي مش لاقي شغل منهم..
وبالتالي على المستقبل البعيد ، قد يكون هناك تغير في مفهوم اوقبول الجاليات العربية...وسيبداوا بالتشديد على اللي جاي يشتغل مش جاي يعمل بيزنس...وهيحصل تضييق ومنع ، وربما ترحيل في المستقبل ان حدث تجاوز ، او على الاقل عدم التجديد. .. هذه توقعاتي اتمنى انه لا اراها...وهي حتى الان جيدة وغير ذلك الحمدلله

529
 :o هذا البوست ، ليس لتحذيرك من السفر ، هذا البوست لتشجيعك على السفر ، ولكن احذر هذه النقاط وضعها جيداً في الإعتبار قبل ان تسافر ، ولا تتجاهلها حتى لا تندم (إيّاك ) ، لأنني أخشر أن تتذكرها بعد أن تكون قد تعرضت لخسائر ما لا قدر الله .
- لا تأتي إلى تركيا..إذا كنت غير قادر أو غير ناوي على أن تتعلم لغتها وتتعايش بها.
-لا تأتي إلى تركيا..إن لم يكن لديك تعليم جيد ، او خبرات ما ، او مهارات وقدرات ما ، او حرفة تجيدها ، او تجارة تتقنها.
-لا تأتي إلى تركيا..إن لم يكن لديك في "جيبك" بمجرد دخولك إلى تركيا مبلغ لا يقل أبدا أبداً عن 1500 دولار بمفردك (على الأقل) ، ولا يقل بأي حال من الأحوال عن 6000 دولار كعائلة (على الأقل).
- لا تأتي إلى تركيا..وأنت غير متفق على مكان السكن الذي ستكن فيه ، او الزملاء او الجروب الذي ستعيش معه ، ولو على الأقل أول أسبوع أو أسبوعين. واحرص على أن يكون تواصلك مع الأصدقاء "الجادين" الذي سيقابلونك أو يستضيفونك ويُوضحون لك الحياة وكيفية معيشتك !!
- لا تأتي إلى تركيا..ان خدعوك فقالوا أنك ستجني ذهباً وفضة ، وأن السماء تمطر دولارات وليرات ، وأنك ستكون من الأثرياء في ظرف عدة شهور.
-لا تأتي إلى تركيا..إن ظننت أنك ستسافر إلى بلد مثل الخليج العربي ، او ربما ليبيا في عزها ومجدها !!..فلربما تظل شهوراً وشهوراً بدون عمل حقيقي..
- لا تأتي إلى تركيا..أن كنت تتوسّم في الناس من حولك الخير بسهولة ، وتشعر أن الجميع هنا سيقف معك ويسندك ويدعمك ، لأنك فقط ابن بلدهم وشربت من نيلها !.....(طبعاً أكيد في ناس جدعان وأصيلة).
- لا تأتي إلى تركيا..إن ظننت أن هناك تيار سياسي أو جماعة أو حزب هنا ، سيقوم بإستضافتك أوتوفير مالي لك ، أو تيسير إجراءات إقامتك ، أو توفير فرص عمل لك ، أو على الأقل تكوين غطاء إجتماعي أو قانوني يحميك ان تعرضت لمشكلة أو ظرف طاريء ما..
-لا تأتي إلى تركيا..إن ظننت أن هناك أهل خير ورجال أعمال أو شيوخ ودعاة ينتظرونك ..وسيهرولون فوراً لمساعدتك ونجدتك ، ان تم طردك من المنزل ، أو انتهت نقودك..أو وقعت في مشكلة مع شخص تركي أو جهاز شرطة دفعك لأن تدخل لا قدر الله الحبس أو شيء من هذا القبيل.
- لا تأتي إلى تركيا..أن كنت تعاني من مرض او اصابة ما ، فالعلاج والخدمة الطبية هنا مكلفة جدا جدا جداً
هذه عشرة تحذيرات على الأقل..أقولها لكم وإني والله لكم ناصحُ أمين فيما أقول ، فالحياة ليست بهذا الشكل الذي تتخيله من عندك ، وتحتاج صبر وصبر كثير على الاستمرارية..
واعلم أن رسولك الذي أمرك أن تتوكل على الله !! ، سبقها بكلمة "اعقلها" ، واعقلها أي احسبها جيداً ، واعقلها أي اسعى في خطوات صحيحة !!.

530
#منقول
اول سؤال دايماَ بيجي في بالك في موضوع السفر  اسافر ولا لاء؟؟  اخد الرسك ولا لاء؟! :-\ :-\
اولا: انتا لازم تعرف معلومات بسيطه جدا  عن تركيا
وده قصه صديقنا الي سافر تركيا محمد ممدوح قاعد حاليا في مدينه اسكشير .
 احب اعرفكم على قصتي من الفشل و مش حقول للنجاح بس اقدر اقول للاستقرار.
ممكن تكون قصتي طويلة شوية بس اتمنى انها تقدر تفيد ناس.
في مصر درست في كلية التربية قسم اللغة الانجليزية و كنت بشتغل في الاستيراد و التصدير ( تجارة دولية ) و تجارة السيارات.
سنة 2011 قررت اني اسافر و كانت تركيا هدفي و كانت اول مرة اسافر فيها.
طبعا كحلم اي شاب انه يسافر و يبني حياته لان طبعا عارفين ظروف الحياة في مصر مش مساعدة.
ربنا وفقني و اخدت التأشيرة و قدمت استقالتي من العمل و حجزت تذكرتي و جمدت القرشين اللي كانوا معايا لدولارات وودعت اهلي وكنت مجهز بعض عناوين للشركات اللي بتشتغل في مجالى و حجزت فندقي و ايامها مكنش في موافقة امنية.
كنت فاكر بقى يااااه اني اول ما حوصل تركيا حتاخدني بالحضن و حشتغل و الحاجات الجميلة دي كلها :)..
طبعا اول ما وصلت حسيت اني دخلت ف شجرة و الانجليزي طلع " بلح " مش نافع في تركيا و ادارة الشركات اللي قابلتها بتتكلم انجليزي قالوا لي ازاي حتتعامل مع زمايلك في الشغل ؟ و قضيت 27 يوم من اسطنبول ل انقرة ل كونيا و لم اجد عمل و فلوسي خلصت.
احاط بي الفشل من جميع الجهات و قررت اني احافظ على التأشيرة و اعود لمصر.
كان احد القرارت القاسية و اللي حولت مجرى حياتي خسرت شغلي و فلوسي.
طبعا رجعت مصر نفسيا و ماديا تحت الصفر, غير للاسف طريقة الفكر اللي اسرتي قابلتني بيها للاسف و غالبا عند معظمنا و ده كان اصعب شيء قابلته في مصر اسرتي عاملتني على اني فاشل غير كمان انه في اللي شكك في رجولتي و عدم قدرتي على تحمل المسئولية !!
بس من جوايا انا كنت صح اني اخدت قرار المحافظة على التأشيره و عدم كسرها ومحدش كان فاهم ده , عندنا فكر في مصر ان اللي يسافر يقعد 5 سنين ميرجعش حتى يترمى في الشارع المهم انك تثبت انك راجل و خلاص و تعمل اي فلوس اذا كان حتى على حساب اهانة نفسك !.
و من وجهة نظري الحياة مش كده..
قعدت حوالى 7 شهور في مصر في حالة سيئة جدا لحد ما احد قرايبي في الامارات بعتلي تاشيرة سياحية ة قالي تعالى غير جو. زيارتي لدبي غيرت فيا حاجت كتير و خليتني اعمل مسح تااام للي شوفته كله و جددت طاقتي و فكري و قعدت 14 يوم و رجعت مصر حتى مفكرتش اني ابحث عن عمل في دبي.
اتعرفت على احد الناس اللي بيشتغلوا في مهنة او حرفة نادرة و عمالتها مطلوبة في مجال الطباعة. ( Die making ) و صفها حياخد وقت طويل بس اللي حابب يتعرف عليها ممكن يشوفها على اليوتيوب. die cutting boards for printing industry.
ابتديت من الصفر تاني و اتعلمت المهنة بل و حبيتها و اعتمدت اعتماد كامل اني اتعلمها يدويا و استخدم التشكيل اليدوي مع انه كان في ماكينات تشكيل اوتوماتيك. و مفيش في مصر غير شركة واحدة بس كبيرة بتشتغل في المجال ده و توكيل الماني مش مصري بس ده مكنش حلمي.
يوم بعد يوم اتقنت المهنة و مكنتش سهلة تعبت فيها كتير جدا و مكنتش بسال حتى صاحب الشغل على فلوس.
طبعا مع خبرتي في المجال و البحث عرفت ان تركيا فيها من اكبر الشركات في المجال ده.
في اخر سنة 2014 قررت اني اروح اسطنبول زيارة , و بالنسبة للتأشيرة طبعا لا كان معايا خطاب من عمل لاني كنت تقريبا شغال في ورشة و كان حسابي البنكي ضعيف جدا.
"بس بسبب القرار اللي اخدته في سنة 2011 اني احافظ على التأشيرة سهلي امر الحصول على التأشيرة مرة تانية" !!
اتصلت بشركة من اكبر الشركات بالنت و عرفتهم على نفسي ورغبتي اني انضم لفريق عملهم و بلغتهم الاسبوع اللي حكون موجود فيه في تركيا بس مردوش عليا.
على اي حال انا كنت جي اتفسح كتغيير بعد 3 سنين شقاء في مصر.
اول يوم وصلت فيه تركيا لاقيتهم بعتولي و قالوالي ياريت تيجي تزورنا.
طبعا روحت جري , اول ما دخلت المصنع انا اندهشت احدث مكن الماني مدرسة تانية خالص اكتر اعتمادهم 90 % على الشغل الاوتوماتيك بس للاسف لو الكهربا قطعت محدش حبشتغل هنا :) تكنولوجيا المجال ده موجودة هنا من سنة 1999 و ده الفرق اللي كان بيني و بينهم.. !!
مهما كان اقدر اقول ال 3 سنين اللي قضيتهم في مصر في شقاء و عناء عملوا مني فني مخضرم محستش بقيمتهم الا لما وصلت هنا.
صاحب المصنع بيتكلم انجليزي قالي انت قولت انك بتشتغل يدوي قولت له اه , اداني اوردر فيه بعض التشكيلات الصعبة بس انا فهمت هو عايز يقيس قدراتي ازاي و قالي في هناك ماكينة يدوي قديمة روح اعملها ..
المهم عملت شكل و لسه مكملتش التاني قالي بس خلاص كفاية احنا هنا عامة مش بنشتغل يدوي بس حبيت اعرف قدراتك و من الواضح اني بالنسبة لهم كنت عفريت اني ازاي اشتغل كده.
طلب مني اني اكمل عمل معاهم حتى اخر الشهر بس انا رفضت وقلت له للاسف انا مكنتش اعرف انكم حتطلبوني للعمل الا بعد ما جيت هنا واسرتي في مصر عارفة اني في زيارة وانا مش جاهز لازم انزل مصر عشان انهي اموري.
نزلت مصر و جددت التأشيرة بسنتين و كنت تحت اختبار 3 شهور اقعد في تركيا شهر وانزل مصر اسبوع احتراما لبند التأشيرة باقصى مده 30 يوم في كل مرة دخول و كانت الشركة بتدفعلي تذاكر الطيران و اقامتي كل مرة حتى استنذفت ال 90 يوم كلهم و طبعا بالنسبة للرغي " اللغة " في مجال مهنتي مش مطلوب :).
بس مع الوقت ابتديت امارس اللغة و اتعرف عليها.
قلت للشركة انا كده وضعي مش نافع و مش حقدر اجي اشتغل بالطريقة دي انا محتاج اثبت.
بالفعل الشركة بعتتلي تأشيرة عمل روحت اخدتها من السفارة و طبعا في الحالة دي كان بالاضافة للموافقة الامنية كنت لازم اعمل تصريح عمل من مصر وو صلت تركيا لاقيت اذن العمل جاهز و روحت مرة واحدة بس مع صاحب العمل للامنيات للتوقيع على ابليكاشن الاقامة.
و ف نفس الوقت الشركة استغلت خبرتي في مجال التجارة الدولية وابتديت افتحلهم سوق في مصر و بقيت شغال في مهنتي بالاضافة الى مكان في قسم التجارة الخارجية ( الشرق الاوسط ) لعلمي باللغة العربية.
اتمنى تكون قصتي قدرت تفيد حد و احب اقول للناس ان من جد و جد و طول ما عندك ايمان و ثقة بالله ثم نفسك ربنا حيوفقك

صفحات: 1 ... 34 35 [36]