المحرر موضوع: طيب دلوقتي انا اتعلمت تركي وخدت التأشيرة، ازاى هعمل التصريح الأمني؟ #تصريح  (زيارة 664 مرات)

0 الأعضاء و 1 ضيف يشاهدون هذا الموضوع.

Mahmoud 1992

  • Global Moderator
  • Hero Member
  • *****
  • مشاركة: 530
  • Karma: +0/-0
    • مشاهدة الملف الشخصي

طيب دلوقتي انا اتعلمت تركي وخدت التأشيرة، ازاى هعمل التصريح الأمني؟
مبدأيًا بالنسبة للسؤال دا لو انت ليك أي نشاط سياسي بلاش تقدم ع التصريح الأمني عشان متعملش لنفسك مشاكل، هيسحبوا منك الباسبور ومش هيدولك تصريح وممكن لا قدر الله يعتقلوك.
وبالنسبة للبنات مش هيرضو يدوكي التصريح الأمني غير لو كان اخوكي او ابوكي او جوزك مسافر معاكي فإنسي برضو موضوع التصريح الأمني دا.
طيب ايه حل موضوع التصريح الأمني دا؟
الحل فيه إنك تسافر اي بلد تانية بره مصر الأول وبعدها لتركيا، والإختيار الأفضل هو السودان ((بري)) بس ممكن تطلع فيزا شنجن و تدخل من اي دولة أوروبية.
ودا فيه مكاتب بـ600 جنيه بتوصلك الخرطوم.
طيب لو انت مفيش عندك مشاكل انك تعمل التصريح الأمني هتعمله ازاى؟
هتروح مجمع التحرير وهتقدم طلب عند ظابط الإتصالات، وهيعملك انترفيو عامل زي انترفيو السفارة كدا
رايح ليه ولمين إلخ إلخ، وهيقولك تعالى بعد يومين عما يعملوا تحقيق عنك، لو جيت بعد يومين وقالك تعالالنا كمان يومين برضو يبقى انسى انك تاخد التصريح الأمني دا لأن كدا بيماطلوك ومش هيدوهالك مهما حصل.
طيب لو خدت التصريح كدا ممكن تسافر عادي، ونصيحة لو جبت التصريح يبقى تسافر عن طريق شركة يجاسوس من مطار شرم الشيخ لأن اسعارها رخيصة جدًا، تذكر رايح جاي ممكن تكلفك 1000 جنيه فقط في حين إنك لو سافرت ع الطيران التركي هتكلف 3 آلاف جنيه أقل حاجة.
تقدر تحجز من طيران بيجاسوس عن طريق موقعهم دا:
http://goo.gl/zA2SfP
لو هتسافر من السودان يبقى احجز على اي طيران بقا مش فارقة، وفيه مواقع كتيرة بتجيبلك ارخص