بعض المعلومات عن تركيا والعمل والمعيشة وخاصة اسطنبول
اسطنبول مدينة جميلة جدا وفيها مناظر رائعة وخلابة زي مابنشوف في المسلسلات والافلام ده بالنسبة للسياحة لكن بتختلف جدا من ناحية الشغل بمعني . اهم حاجة هنا اللغة التركية لان الاتراك مابيتكلموش غير تركي - قليل جدا جدا من يتحدث الانجليزية - يعني بتعرف تركي هتقدر تسال لنفسك علي شغل في اي مكان . اما لو مامعاكش لغة هتضطر تشتغل اي حاجة مثلا في منطقة صناعية غسيل اطباق شيئ من هذا القبيل . ودي مرتباتها من 750 ل 1000 ليرة في منها بيكون معاه اكل وسكن وفي بيبقي من غير . لو مفيش اكل وسكن بقي ايجار الشقق هنا مثلا مع شباب بيكون من 250 ل 300 ليرة في الشهر شامل غاز وكهربا ونت وكلام من ده . لو قدرت توفق ان بيتك يكون جنب شغلك هتوفر المواصلات اللي بتكون حد ادني 100 ليرة في الشهر . ده طبعا غير الاكل . وموسم الشتا هنا بتكون العملية مريحة شوية علشان السياحة بتخف . زي رمضان كده . والشغل لايقل عن 12 ساعة
