المحرر موضوع: كتير هنا بيسألوا عن القدوم لتركيا من خلال فيزا "طالب" .. مش فيزا سياحية  (زيارة 5363 مرات)

0 الأعضاء و 1 ضيف يشاهدون هذا الموضوع.

Mahmoud 1992

  • Global Moderator
  • Hero Member
  • *****
  • مشاركة: 530
  • Karma: +0/-0
    • مشاهدة الملف الشخصي

كتير هنا بيسألوا عن القدوم لتركيا من خلال فيزا "طالب" .. مش فيزا سياحية
أحد الطرق المتوفرة في للحصول على فيزا دراسية، هي القدوم عن طريق معهد لغة معتمد ، أو خلال معهد في أحد الجامعات التركية ، ودا بيكون عن طريق دفع مبلغ للجامعة ، وبتعطيك من خلاله ورقة القبول .. وبتروح بيها للسفارة التركية ، وهي بتعطيك تأشيرة كما هو موضح في الصور ( الطريقة مجربة بالفعل )
طبعا الفيزا الدراسية ليها عدة مميزات عن السياحية
أهمها أنها مضمونة أكتر ، يعني غالبا اللي بيقدم بياخدها ، ومفيهاش كلاكيع كتيرة
كمان فكرة إن مدتها عام كامل وليس ست شهور ( تقدر تسافر خلال 360 يوم )
كمان مدة الاقامة المبدئية في تركيا هي 3 شهور ( مدة الاقامة هناك هي 90 يوم ، قابلة للتجديد من خلال عمل اقامة طلابية )
و ميزات اخرى



3- ينفع عادي اللي جاي بالتأشيرة يقدم على إقامة سياحية ، مش شرط اقامة طالب .. ( وده امر كويس جدا برأيي ) .. وقالوا نتاكد اكتر من الامنيات لان القوانين بتتغير .. لكن الاكيد عندهم انه بينفع عادي  
- بالنسبة لإقامة الطالب فهي متنفعش بمجرد ورقة القبول دي .. ولازم التسجيل .. وأقل حاجة التسجيل لمستويين وبيكون 1100 ليرة تركي ، علشان يعطونا رقم الطالب وبتكون 6 شهور ، أو يدفع 2400 لأربع مستويات .. وبتكون الاقامة لمدة عام .
نقطة أخيرة للي عايز يدرس فعلا
مصاريف الدراسة زادت . انا كنت قايل للناس انها حوالي 2600
المصاريف أصبحت 3050 ليرة تركي ، والدراسة بتكون خمس مستويات . والمنهاج تومر ..
.....
وبالتالي فاللي عايز الدعوة علشان يجي بس .. مش هيكمل ويعمل اقامة سياحية فدا متاح
اللي عايزها علشان يعمل اقامة طالب .. فدا متاح لكن بشرط انه يقدم اما على مستويين أو اربع مستويات ..
( طبعا وجب التنويه على النقط دي لانها غاية في الاهمية )