المحرر موضوع: اقامه العقاريه تعديل هام  (زيارة 1096 مرات)

0 الأعضاء و 1 ضيف يشاهدون هذا الموضوع.

Mahmoud 1992

  • Global Moderator
  • Hero Member
  • *****
  • مشاركة: 530
  • Karma: +0/-0
    • مشاهدة الملف الشخصي
اقامه العقاريه تعديل هام
« في: كانون الأول 01, 2017, 10:15:11 مسائاً »
تعديل هام
تم كتابة هذا البوست في صيف ٢٠١٥ ، وقتها كانت اغلب المعلومات لدي تؤكد أن اقامة العقار تعطي الجنسية
لكن بعدها سمعت من مصادر عديدة أن اقامة العقار قد لا تعطي الجنسية ، حتي ظهرت أخبار تقول أن البرلمان التركي سيقوم بدراسة ما اذا كان سيتم منح الجنسية التركية لمالكي العقارات أم لا
فحتي هذه اللحظة ، لا شئ يؤكد اعطاء الجنسية التركية لحاملي اقامة العقار ، واحنا منتظرين القانون اللي لسة هيتم مناقشته
================================
العقار والجنسية التركية
لا شك عارفين قيمة الجنسية التركية قد ايه , من ناحية المعيشة في تركيا نفسها او حتي لو هتسافر مكان تاني افضل , خاصة ان فيه كلام بيتقال ان الاتراك من سنة 2017 هيقدروا يسافروا اوروبا من غير اي تاشيرة , يعني ياخد بعضه وعلي محطة القطر اللي في سيكرجي وياخد قطر صوفيا او اثينا فورا , وحتي الكلام ده لو مش دقيق , فاصلا سفر الاتراك لاوروبا وامريكا مش بربع الصعوبة الخاصة بالمصريين
طب نجيب ام الجنسية ديه ازاي ؟
الفيديو بتاع استاذنا غزوان المصري بيشرح ايه اللي تعمله عشان تقدر تجيب الجنسية التركية :
http://bit.ly/1IvTLqz
========================
وباختصار ممكن نقول ان فيه طريقين اساسيين :
- الزواج من تركية : وده الحقيقة لا ينصح بيه لمشاكله المتوقعة , خاصة لو كنت عامل حسابك هيكون جواز مؤقت وده طبعا حرام شرعا
- الإقامة في تركيا خمس سنين , وديه اللي عايزين نتكلم فيها
المشكلة ان تركيا عاملة تحجيم شوية في موضوع الإقامة 5 سنين , يعني بيقولو ان لازم الإقامة تكون مش سياحة ولا دراسة , معني كدة ان اللي معاه إقامة سياحي ( زي اغلبنا ) او إقامة طالب مش هياخد الجنسية ولو اقام 50 سنة
من أنواع الإقامات اللي بتدي الجنسية : إقامة العمل او المستثمر , وديه برضه صعبة جدا ومش سهلة
========================
طب ايه الحل ؟
الحل هو شراء العقار . . .
اول ما تشتري عقار بتعمل عليه إقامة , اسمها اقامة عقار لكل اللي ساكنين فيه , يعني مثلا واحد وزوجته واطفاله , او شاب و ابوه وامه واخوه , وهكذا
وإقامة العقار بيتم تجديدها كل سنة طالما انت لازلت تملك العقار , ولو اقمت 5 سنين من غير ما تخرج فيهم اكتر من 6 شهور تاخد الجنسية
طب هنا فيه 4 اسئلة أهم من بعض
========================
أولا هل شراء العقار بيعطي الجنسية التركية ؟
أحد أعضاء الجروب المحترمين , راح للقنصل التركي في دبي , وسأله هل إقامة العقار بتعطي الجنسية التركية قاله ايوة وأكدلها ليه
بس يظل الموضوع محتاج تجربة , انا حتي الان مقابلتش اي اجنبي اخد الجنسية التركية عن طريق العقار , بس مش معقول القنصل التركي هيقول كلام مش موثوق فيه
========================
طيب اكيد العقار غالي جدا
العقارات في اسطنبول غالية طبعا يعني اقل من 150 الف ليرة صعب تجيب حاجة معقولة , بس ممكن تعمل حاجة من اتنين
اولا انك تروح اماكن بعيدة جدا في اسطنبول , عندك سليفري , كارتال , بينديك وهكذا , وديه هتلاقي فيها اسعار معقولة , يعني مثلا 60 او 70 الف ليرة
الحل التاني انك تطلع برة اسطنبول اصلا , فيه محافظات بعيدة العقارات فيها رخيصة جدا , يعني فيه شقق ب 20 و 25 الف ليرة في محافظات نائية , والقانون التركي لا يشترط مدينة معينة , طالما انت في حدود الجمهورية التركية اشتري اي شقة يا سيدي
فلو ان عندك في مصر 70 او 80 الف جنيه مثلا , هاتهم واشتري شقة في محافظة بعيدة وانساها , خد بالك الشقة هيكون صعب تتأجر لان الشقة الرخيصة اللي زي كدة مش هتكون في مكان متميز او مواصفات كويسة عشان حد يطلبها , ولو اتاجرت هتكون ب 100 ليرة مثلا
طب لو انا سبت الشقة , مش هلاقي ناس كسروا الباب و اخدو الشقة بوضع اليد ويقولو خلي الحكومة تجيبلك حقك زي فيلم كراكون في الشارع ؟
اقوله احنا هنا مش في مصر , انت معاك الطابو ( عقد تملك الشقة ) تحطه في عين التخين ومحدش يقدر يعمل اي حاجة زي كدة , طبعا محتويات الشقة ممكن تتسرق لو فيها عفش , بس الشقة نفسها محدش هياخدها ويسكن فيها زي العك اللي بيحصل عندنا
========================
طب ثالثا , اجيب شقة ازاي في سواء في اسطنبول او محافظة بعيدة ؟
لو في اسطنبول الموضوع مش صعب لان مكاتب الاستثمار العقاري مالية اسطنبول , وفيها سوريين او مصريين كتير ماشاء الله , فمن خلالهم او خلال معارفك الشخصية هتقدر تجيب الشقة اللي عايزها بالسعر المناسب
والحقيقة ان افضل مكان في قلب اسطنبول تقدر تشتري فيه شقق باسعار معقولة هو اسينيورت , عشان هي قريبة نسبيا من المدينة يعني مش في بعد سيلفري او كيليوس مثلا , وفي نفس الوقت اسعارها معقولة شوية
ولو هتجيب شقة في محافظة بعيدة , الموضوع مش صعب برضه , الموضوع محتاج منك بس تكسر حاجز الرهبة اللي انت عامله , لو بتتكلم تركي كويس , انزل بنفسك واقعد في فندق وانزل علي رجليك وامشي في الشوارع وشوف الشقق المكتوب علي
Satilik
واتصل بيهم وشوف احسن اسعار
ولو مش كويس في التركي يبقي عليك وعلي السوريين اللي في معظم محافظات تركيا دلوقتي , تواصل معاهم وخليهم يدورولك علي شقة بالسعر اللي عايزه واكيد هتلاقي ان شاء الله , ومتخافش من النصب لاننا هنقول في الخطوة الرابعة الخطوات الرسمية لشراء الشقة
وافضل مواقع في البحث عن العقارات في تركيا هو ساهيبيندين , واللينك ده فيه بحث عن كل عقارات التمليك في تركيا مترتبه من الاقل فالاكثر
http://www.sahibinden.com/en/for-sale?sorting=price_asc
بس خد بالك هتلاقي عقارات كتيرة مش معلنة علي الموقع وارخص منها , بس محتاجة اللي يدور في الشارع
========================
طب النقطة الرابعة المهمة , ايه بقي خطوات شراء العقار رسميا وعمل إقامة العقار ؟
الخطوات اهي نقلا من احد المواقع الموثوق فيها :
1. اختيار العقار والحصول على كافة المعلومات التالية
- صورة الطابو (وثيقة الملكية) الصك
- رقم العقار حسب مخطط البلدية (إذا كان ارض)
- صورة موقع العقار في مخطط البلدية
- عقد البيع إذا كان شقة في مبنى
2. الذهاب إلى مصلحة الضرائب والحصول على الرقم الضريبي الشخصي (إجراء بسيط لا يتطلب سوى إحضار جواز السفر)
3. الذهاب إلى كاتب العدل وعمل ترجمة قانونية مصدقة لجواز السفر (إجراء بسيط يتطلب حضور الشخص ومعه ٤ صور شخصية حديثة، التكلفة تقريبا 100 دولار)
4. توقيع عقد الشراء مع البائع، وتقديم دفعة أولى يفضل الا تزيد عن 25٪ من قيمة الاستثمار
5. تقديم طلب للجهات الأمنية لنقل العقار باسم المشتري، وهنا يجب ملاحظة:
- البائع يجب ان يتابع هذا الإجراء، وفي المتوسط الموافقات تأخذ شهرا كاملا.
- يجب ان ينص العقد انه في حالة عدم موافقة الجهات الأمنية على نقل العقار باسم المشتري، فإنه يجب على البائع إعادة المبلغ كاملاً فورا
6. عند صدور الموافقة الأمنية، يذهب المشتري مع البائع إلى دائرة الصكوك لنقل الملكية.. يفضل وجود مترجم من طرفه ويتأكد من كافة بيانات رقم العقار، والمساحة المسجلة في الطابو (وثيقة الملكية) الصك
========================
وديه ملاحظات مهمة كابتها موقع قانوني سوري :
نقاط جوهرية يجب على كل شخص تدقيقها عند إقدامه على شراء عقار في تركيا و أن يكون حريصاً من خلال خطوات لابد من اتباعها ليتمكن
- التأكد من سند الملكية الخالي من أي ديون (المحامي هو الذي يقوم بذلك) و عليه يجب اختيار المحامي الموثوق و المعروف بالسمعة الجيدة، لأن المحامي هو من سينظم العقد المشتمل على التفاصيل و الشروط و جدول المرافعات.
- إن سعر شراء العقار من تركيا يشتمل ما يسمى (شهادة و رسوم تغيير الأسم – فواتير الإستخدام – براءة ذمة من عدم وجود تكاليف مستحقة الدفع).
- يجب توثيق العقد باللغتين التركية و العربية لدى الكاتب بالعدل (Noter) و ينظم العقد من قبل المحامي أو صاحب المكتب العقاري، و يتضمن العقد عادة كافة شروط الإتفاقية مثل: الجدول الزمني للإنجاز، و جدول الدفعات و الأحكام و الشروط و تاريخ التسليم و كل شرط آخر يتم التوافق عليه بين الطرفين. و إن توثيق العقد باللغتين هو أمر ضروري و يجب الحذر من أي طرف يمتنع عن توثيق العقد لدى الكاتب بالعدل (Noter)، و توثيق العقد لدى الكاتب بالعدل يوحي بالثقة بأن هذا العقد مقبول رسمياً من قبل القانون التركي و الشروط المتواجدة فيه ملزمة للجميع.
- العربون: يتم دفعه لحظة توقيع العقد.
- يقوم وكيلك القانوني بالحصول على الموافقة العسكرية التي تجيز لك التملك العقاري في تركيا و تستلزم هذه الموافقة تقديم الطلب مع صور جواز السفر و ترجمة الجواز و تصديقه من الكاتب بالعدل (Noter)ترسل هذه الأوراق للجيش للموافقة عليها و يتم إعلامك بمجرد وصول الموافقة التي تطلب مدة حوالي من شهر إلى ثلاثة أشهر.
- وجود تأمين الزلازل شرط إلزامي في تركيا و إن معظم البنوك تقدم خدمة تأمين الزلازل وتعرف اختصاراً (DASK).
- عمولة الوسطاء تكون حسب النسبة المئوية الاتفاقية، ولكن العرف مستقر على أن هذه النسبة هي 3% على البائع و 3% على المشتري.
- التأمين على المنزل ليس إلزامياً، إنما ينصح بالحصول على مستوى عادي من التأمين لدى شركة تركية أو أوربية متواجدة في تركيا.
- ضريبة نقل الملكية تعادل 3.5% من المبلغ المقدر بسنند الملكية حسب تعديلات عام 2014 ، و هناك رسوم أخرى منها رسوم الختم. إن التملك في تركيا هو ملكية حرة و تامة فهي تشمل ملكية أرض العقار.
- ما هو الطابو (Tapu) هو سند التمليك لإثبات حقوق الملكية و يصدر عن مكتب السجل العقاري، و يمكن للمحامي المتابع أن يستخرج هذا السند خلال ستة أسابيع بعد الحصول على الموافقة العسكرية.
- شهادة السكن و المعيشة: هي وثيقة تؤكد أن الملكية شيدت وفقاً للواءح و التشريعات و نظام ضابطة البناء في تركيا، و يذكر فيها أن المبنى صالح للإستخدام و المعيشة.
- كما أن هذه الوثيقة ضرورية لأنها تتيح الحصول على إشتراك الماء و الكهرباء و الصرف الصحي و هي تصدر عن البلدية بعد إبراز سند الملكية و إرفاق صورة الجواز و ترجمته و الرقم الضريبي و دفع الرسوم.
وديه لينكات تانية مهمة خاصة بشراء العقار
http://bit.ly/1IvTLqz
http://bit.ly/1JXEMqj
http://bit.ly/1IQxLgg
http://bit.ly/1JE0BiU
http://bit.ly/1IC0dAF
========================
كدة يا معلم بالعقار تقدر تاخد اقامة عقار لكل افراد الاسرة , لمدة سنة قابلة للتجديد , وكل سنة مجرد تروح بعقد التمليك وتجدد الإقامة , هوب بعد خمس سنين تعمل شوية اجرائات وتاخد الجنسية إن شاء الله