المحرر موضوع: لسلام عليكم ,,,, عاوز اسافر اعمل ايه ؟؟؟  (زيارة 238 مرات)

0 الأعضاء و 1 ضيف يشاهدون هذا الموضوع.

Mahmoud 1992

  • Global Moderator
  • Hero Member
  • *****
  • مشاركة: 530
  • Karma: +0/-0
    • مشاهدة الملف الشخصي
لسلام عليكم ,,,, عاوز اسافر اعمل ايه ؟؟؟
« في: كانون الأول 12, 2017, 10:27:37 مسائاً »
لسلام عليكم ,,,, عاوز اسافر اعمل ايه ؟؟؟
الموضوع ده مكن يكون محبط او صادم للناس الى بتحب الى يضحك عليها او الناس الى عاوزه واحد يديها امل كداب وكده يعنى ,,, قبل ما ابداء اكتب ياريت اخوانا الى بيحبوا يشتموا ينوعوا شويه فى الشتايم لان انا زهقت من الشتايم المعتاده ما بين كبر وعجرفه وتكبر على الناس وسوداوى ,,, نوعوا شويه يا جماعه بس ابقوا شيلوا وزر الناس الى هتنخدع فى كلامكم وهيلبسوا ف الحيطه ,,, عاش من بكانى وما بكى الناس عليا ,,,, المهم ,,,, نبداء الكلام ,,,,
اولا انا مش خبير فى الشؤن التركيه ولكنى متابع جيد جدا للى بيحصل هناك والناس بيتعمل معاها ايه هناك ,,, طيب عاوز اسافر تركيا اشتغل عشان مصر قفلت عليا ,,,, تمام تعالى تركيا وفى ناس محترمه كتيره جداا نزلت مواضيع من الالف الى الياء ازاى تيجى تركيا طيب بعد ما تيجى هتعمل ايه ؟؟؟ هنا بقى النقطه الفارقه ,,,
اولا تركيا مش العراق زمان ,,, الناس العجوزه امثالى ال شافوا خير العراق زمان كان لو اتزنقت فى جمعيه ولا حتى جالك تسلخات تقول باسبورى فى جيبى وعلى العراق عدل وبمجرد ما تنزل العراق الارض الطاهره الى فتحت بيوت ملايين ليك ورقه ب 100 دولار كل شهر اشتغلت او مشتغلتش ,,, وبالتالى هتنزل وانته ضامن اكل وشرب ومصاريف وممكن كمان تبعت للعيال ,,,, طيب ايه الكلام ؟؟؟ تركيا مش كده ... تركيا فاتحه الباب كتر الف خيرهم ولكن الشغل هناك مش سهل ,,, ولو فاكر انك هتنزل من المطار تلاقى يفط مطلوب عماله وموظفين يبقى خليك عندك احسن ,,, الاتراك شغالين كل حاجه من اول عامل النظافه لحد دكتور الذره ,,,طيب بلاش اجى احسن ؟؟؟ لاء طبعا تعالى بس تعالى وانته مجهز نفسك معنويا وماديا ومعرفيا ,,, ازاى يعنى ؟؟؟؟
اولا تعالى وانته عامل حسابك على مصاريف 3 شهور ليك هنا ولعيالك فى مصر عشان لو الموضوع طول بيك متتبهدلش وتنام ف الشارع او تتعرض لمواقف انته فى غنى عنها وصدقنى الى بيخدعك ويقولك تعالى وملك دعوه اول واحد ممكن يبيعك والناس هنا شافت المصايب دى بعنيها ,,, طيب نرجع تانى ,,,
تعالى وانته معاك صاريف 3 شهور ليك يعنى ما لا يقل عن 3000 ليره وده فى وجهة نظرى اقل شىء 300 سكن فى الشهر فى اوضه رباعيه ,, 400 الى 600 اكل والباقى مواصلات ولف وتليفون طيب كده ماديا ,,,
معرفيا ؟؟؟ اتعلم تركى ,,, احفظ شويه جمل تركى ,, اتفرج على النمر الاسود وشوف الراجل كان بيتعلم ازاى ,,, احفظ كلمات وجمل كامله ,, اقراء تركى ,, اتعلم تركى ,,, ارجوك اتعلم تركى الاتراك مش بيفهوا عربى ولا انجليزى ,,, طيب لو انته جاى البلد ومعاك مصاريف 3 شهور تقدر تدخل كورسات تركى ببلاش تبع الحكومه هنا ف 3 شهور دول مكن تعدى المستوى التالت وبكده يبقى انته ميه ميه اعرف طبيعه الاتراك ,, الاتراك واخدين جديه الاوربيين فى الشغل والطحن ومرمطة الصريين والمغاربه فى التعامل والشغل مع الناس ,,, يعنى من الاخر التركى هو اوروبى مرقع ,, صايع مش هتعرف تشتغله او تاكله بالاونطه زى ما المصريين كانوا بيعملوا ف ليبيا زمان ,,,, التركى راجل علمى جدااا 12 ساعه شغل ,,, مفيش ياما ارحمينى لان دى طبيعة الحياه ,,,
طيب جهز نفسك معنويا ازاى ؟؟؟ اعمل حسابك الشغل مش ساهل دى ارزاق ربنا ولكن ناخد بالاسباب ونشوف ونبص حوالينا كويس ,,, تركيا بلد فيها كل فئات المجتمع العامل الى العالم طيب انته لو داخل تنافسهم هتكون مميز فى ايه ؟؟؟ الميزه الوحيده لينا اننا بنرضى براتب اقل فقط ,,, دى الميزه الغالبه لينا عليهم ,,, اعمل حسابك هتلف كتير ولازم تدور وتتعرف على الناس ,,, خليك مرن وخلى صبرك بالله كبير واملك فى الله كبير ,, دور وخد بالاسباب وف الاخر هى ارزاق ربنا قاسمها ,, يعنى لو نزلت بعد عشر ايام ومفيش شغل اوعى تترعب وتدخل ف الخوف والصرع والرعب ,, عادى جداا اسبوع واتنين وتلاته وشهر دور وخلى املك بالله كبير ,,, بلاش تترعب او تخاف وعشان لا تترعب ولا تخاف اعمل حسابك فى مصاريف تكفيك فتره طويله ,
بس خلاص انا قلت الكلمتين الى كان نفسى اقولهم لان والله بيصعب عليا حالنا لما واحد يجى ومش هيقدر يدعم نفسه اكتر من خمس ايام ويتصدم بالوضع فى تريكا ويتبهدل ,,, اعقلها وتوكل = فكر كويس وخطط وبعد كده سيبها على الله ,,,

natthanon1602

  • Full Member
  • ***
  • مشاركة: 193
  • Karma: +0/-0
    • مشاهدة الملف الشخصي
رد: لسلام عليكم ,,,, عاوز اسافر اعمل ايه ؟؟؟
« رد #1 في: آب 04, 2018, 07:21:44 صباحاً »


welcome All members g club Online casinos games are fun to play again
Prepare for the excitement, excitement and pleasure of your favorite game
Play betting games Online casino With us and top up today
Get 100% free bonus up to 3000 baht
Can download Keep it on your mobile or computer. Open 24 hours