المحرر موضوع: خلاصة للناس اللي بتجدد إقامة الأولاد وبيطلبوا منهم شهادة الميلاد  (زيارة 942 مرات)

0 الأعضاء و 1 ضيف يشاهدون هذا الموضوع.

Mahmoud 1992

  • Global Moderator
  • Hero Member
  • *****
  • مشاركة: 530
  • Karma: +0/-0
    • مشاهدة الملف الشخصي


خلاصة للناس اللي بتجدد إقامة الأولاد وبيطلبوا منهم شهادة الميلاد مصدق عليها من القنصلية والقائم مقام (Kaymakam)
==============================
من فترة بدأت إدارة الهجرة (Göç İdaresi) تطلب من الناس اللي بتجدد إقامة أطفالهم يصدقوا شهادة الميلاد من القنصلية المصرية وبعدها من القائم مقام (Kaymakam) بدل ما كان زمان بنترجم الشهادة وبنختمها من النوتر. وعليه حبيت ألخص لكم الخطوات اللي هتعملوها بدل ما تضيعوا وقت وفلوس أنتم أولى بيها:
1. لازم تكون شهادة الميلاد مصدق عليها من الخارجية المصرية (لو مش مصدقة هتكون مضطر تبعت تجيب واحدة من مصر مصدقة)
2. هتروح القنصلية المصرية في (Bebek) وبتطلب ترجمة وتصديق شهادة الميلاد وبتدفع 170 ليرة
3. القنصلية بتديك وصل بتستلم بيه الأصل والنسخة المترجمة تاني يوم بعد الظهر (الساعة 3 غالبا)
4. هتاخد النسخة المترجمة المصدق عليها من القنصلية وتروح لقائم مقام فرع بيشكتاش (Beşiktaş Kaymakamliği) تصدقها من هناك والخطوة دي مهمة جدا لأننا رحنا لفروع تانية ولم يتعرفوا على ختم القنصلية الا فرع بيشكتاش.
5. هتروح لإدارة الهجرة وتقدم شهادة الميلاد المترجمة والمصدق عليها من قائم مقام بيشكتاش
وبكدة أكون اختصرت عليكم لف ودوران كتير عملناه أنا وبعض الأصدقاء علشان نعرف نعمل ايه
وربنا يسعدكم ببر أولادكم بيكم دائما